يا ابن ااااااادم
افرد جناحك وطير
كسر قيودك عدى السدود
لأخر حدود الكون …..للسما
والسما ملها حدود
عند القمر …..لأابعد كمان
لنقطه فضيه في الوجود
واسمع همس الشجر
مستني بكرة عشان يغنى
وشايل في قلبه ناي وعود
شوف الجبل
والسحاب وخده في حضنه
كأنه عشقه من سنين
ويبكى دمعه بس طهره
على ارض بور
نشفه ويابسة تبـقى طين
والطين في حبه
وحبه حبه
تبقى شجرة
شايلة حكاية عاشقين
شجرة خضرة
على الأرض رميا ضله
اتحمى فيه المشتقين
وترمى ثمره
ثمره خضره بس سكر
طعمها يحلى السنين
***********
يا ابن آدم
خايف تطير ما تلقى شط
حلمك وحاطت تحته ألف خط
وكل خط عاوز عشانه
ألف شرط
دا الطير في عش أمه
طار وحط
بجناح ضعيف وريش صغير
قام ونط
جايز وقع ولا أتجرح
بس لا يأس
ولا قال هبطت
*********
يا ابن آدم
افرد جناحك وطير
دا كل شئ في الكون
فوقه العليم
ابلع جراحك
حقق وجودك
إرمى ضعفك السأيم
وإعلا و إعلا
و إعلا كمان
وحتى لو وقعت
حتنزل سليم
ليست هناك تعليقات:
إرسال تعليق